Alekseı Tsoı koronavırýsqa qarsy ekpe almaǵan adamdardy vaktsınatsııalanýǵa shaqyrdy
«Halyqtyń osal toptaryn qorǵaý maqsatynda halyqty revaktsınatsııalaý tásilderi ázirlendi jáne 22 qarashadan bastap tıisti kontıngentti revaktsınatsııalaý bastalady. Birinshi kezekte medıtsına qyzmetkerleri, pedagogtar, medıtsınalyq-áleýmettik mekemeniń, jabyq balalar mekemeleriniń personaly men kontıngenti, kúsh qurylymdarynyń qyzmetkerleri egiletin bolady. Sondaı-aq revaktsınatsııaǵa belgilengen merzimderdi eskermeı 60 jastan asqan adamdar, sondaı-aq óz betinshe zertteýden ótken jáne KVI-ge qarsy antıdenelerge testtiń teris nátıjesi bar adamdar jiberiledi», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, revaktsınatsııanyń ekinshi kezeńinde alǵashqy vaktsınatsııany aıaqtaǵan (vaktsınatsııanyń tolyq kýrsyn aıaqtaǵannan keıin 6-9 aıdan keıin) jáne 2022 jyldyń qańtarynan bastap revaktsınatsııa merzimi jetken qalǵan azamattar revaktsınatsııalaýǵa jatady.
«Koronavırýs ınfektsııasynyń turaqty mýtatsııasyn, sondaı-aq egilmegen halyq arasynda aýrý jaǵdaılarynyń tirkelýin eskere otyryp, men halyqty vaktsınatsııalaýǵa shaqyramyn. Sebebi bul - vırýstyń taralýyn azaıtyp, burynǵy ómir saltyna oralýdyń jalǵyz tásili. Taǵy da eske salǵym keledi, aýyrǵan adamdardyń 96 paıyzy vaktsınatsııalanbaǵan adamdar», - dedi ol.