Alekseı Tsoı: Qaýipsizdik ádetteri de «juqpaly» bolýy tıis
«Búginde búkil qazaqstandyq qoǵam koronavırýstyń emes, qaýipsizdik pen salaýatty ádetterdiń «juqpaly» bolýy úshin barlyq sharalardy qabyldaýy qajet. Ol úshin eń aldymen maskalyq rejım men gıgıenany ári qaraı saqtaýdy qamtamasyz etý qajet. Úıden tys jerde maskany mindetti túrde taǵý – ınfektsııanyń taralýyn 30%-ǵa qysqartady. Sonymen birge, ınfektsııanyń taralýynda qol gıgıenasy erekshe ról atqarady», - dep atap ótti mınıstr búgingi Úkimet otyrysynda.
Osyǵan baılanysty, eń aldymen múddeli memlekettik organdar men jergilikti atqarý organdaryn tartyp, qaýipsizdik beldikterin mindetti qoldaný mysalynda maska rejımin saqtaý úshin de bıznesti baqylaý men jaýapkershilikti kúsheıtý qajet.
Ekinshiden, barlyq qoǵamdyq oryndarda qoldy óńdeý úshin sanıterlerdi ornatýdy qamtamasyz etý kerek.
Úshinshiden, barlyq aqparattyq arnalar boıynsha halyqpen aqparattyq-túsindirý jumystaryn júrgizý kerek.
«Sondaı-aq, áleýmettik qashyqtyq qaǵıdaty saqtalýy tıis: keńselerdiń qashyqtan jumys isteýi (20/80 qatynasynda) jáne oqýshylar men stýdentterdi qashyqtyqtan oqytý; Maskalyq rejımdi men áleýmettik qashyqtyqty saqtaý múmkin bolmaǵandyqtan, buqaralyq is-sharalardyń barlyq túrine tyıym salý; Bıznestiń jaýapkershiligin arttyrý – baqylaýdy kúsheıtip, nysandardy bólikterge bólý jáne adamdardyń tolyp ketpeýin qadaǵalaý kerek. Bul sharalar barlyq aqparattyq arnalar boıynsha nasıhattalýy qajet», - dedi Alekseı Tsoı.