Alekseı Tsoı Almatydaǵy kóshpeli PTR zerthanalardy aralady
Zerthanalar sanıtarııalyq-epıdemıologııalyq qyzmetti kúsheıtý jáne ınfektsııalyq aýrýlarǵa, COVID-19 indetine jedel kóńil bólý, indetti der kezinde emdeý sharalaryna daıyndyq aıasynda Densaýlyq saqtaý mınıstrliginiń qarajaty esebinen satyp alyndy.
PTR zerthanalar ekinshi deńgeıli bıologııalyq qorǵanys bokstarymen, avtonomdy energııa, shyǵyn materıaldarynyń qajetti jıyntyǵymen jabdyqtalǵan. Jyljymaly zerthanalar dalada asa qaýipti ınfektsııalarǵa zerthanalyq zertteýlerdiń tolyq spektrin oryndaýǵa, derbes jáne ınfektsııalyq aýrý oshaǵynda medıtsınalyq mekeme janyndaǵy issaparǵa jiberilgen statsıonarlyq zerthana retinde jumys isteı alady.
Aıta ketý kerek, bul zerthanalar tolyǵymen Qazaqstanda qurastyrylǵan: shassı «KAMAZ-Injınırıng» kompanııasynda (Kókshetaý qalasy), fýrgon, zerthanalyq jáne qosalqy jabdyqtardy qazaqstandyq «Topol» kompanııasy (Almaty) jasaǵan.
Buǵan deıin ulttyq ortalyqtyń Jambyl, Aqtaý, Atyraý óńirlik fılıaldaryna osyǵan uqsas úsh zerthana jiberilgen bolatyn. Bireýi Qazaqstannyń kez-kelgen núktesinde sanıtarlyq-epıdemıologııalyq sıpattaǵy tótenshe jaǵdaı kezinde medıtsınalyq mekemeler jyldam jaýap berýi úshin rezerv retinde ornalastyrylǵan.
«Koronavırýs ınfektsııasynyń ekinshi tolqynyna daıyndyq jónindegi keńeste Memleket basshysy testileý qýatyn arttyrýdy tapsyrdy. Qazirgi ýaqytta elimizde zerthanalyq testileýdiń qýaty táýligine 48 myń testke deıin jetkizildi. Aımaqtarǵa jabdyq jetkizý jáne osyndaı jyljymaly zerthanalar satyp alý esebinen biz testileý qýatyn táýligine 63 myń zertteýge deıin arttyra alamyz», - dedi Densaýlyq saqtaý mınıstri.
Sonymen qatar, A.Tsoı AQIUǴO mamandarymen kezdesti, onda Qazaqstan Respýblıkasynyń bıoqaýipsizdik jáne halyqty bıoqorǵaý saıasatyn damytý máseleleri talqylandy. COVID-19 órshýi múmkin degen aqparat túsken kúnnen bastap AQIUǴO profılaktıkalyq jáne epıdemııaǵa qarsy is-shara ázirleýge kiristi.
2020 jyldyń aqpan aıynda AQIUǴO bazasynda PTR test-júıesi ázirlendi jáne qazirgi ýaqytta QR medıtsınalyq buıymdardyń memlekettik tiziliminde tirkelgen. Ortalyq jylyna 200 000 zertteýge arnalǵan test júıesin shyǵara alady.
Qazaq ulttyq agrarlyq ýnıversıtetimen yntymaqtastyqta COVID-19-ǵa qarsy nano-emýlsııalyq adıývant negizinde nano-vaktsına men sýbbirlikti vaktsınany ázirleý boıynsha zertteýler júrgizilýde.
Jalpy, sapar qorytyndysy boıynsha mınıstr ımmýnobıologııalyq preparattardyń óndiristik bazasyn keńeıtý úshin usynystar engizýdi tapsyrdy, sondaı-aq halyqaralyq trenıng ortalyǵynda asa qaýipti ınfektsııalar boıynsha qysqa merzimdi oqytý kýrstaryn ashý qajettigin atap ótti.