Serbııa Prezıdenti Almatynyń áıgili aportyn syıǵa aldy

<p>ASTANA. KAZINFORM - Serbııa Prezıdenti Aleksandr Výchıch Belgradqa resmı saparmen kelgen Qasym-Jomart Toqaevty yqylaspen kútip alǵanyn <a href="https://www.instagram.com/p/DChYAeYMuSX/?igsh=Z3VvNXUxbnVheXlt" target="_blank" rel="noopener">jazdy</a>, dep habarlaıdy Aqorda.</p>

«Serbııa Prezıdenti áleýmettik jelilerdegi paraqshalarynda Memleket basshysy Qasym-Jomart Toqaevtyń qurmetine keshki as berilgenin jáne Almatynyń áıgili aportyn syıǵa alǵanyn jarııalady. Sondaı-aq Serbııanyń dostas elderge qushaǵy árdaıym ashyq ári búgingi kesh sonyń taǵy bir dáleli ekenin atap ótti», — delingen Aqorda taratqan habarlamada.

Foto:Aleksandr Výchıchtiń jeke paraqshasy

Eske salsaq, keshe Qasym-Jomart Toqaevty Belgrad áýejaıynda Serbııa Prezıdenti Aleksandr Výchıch qarsy aldy.

Qazaqstan Prezıdentiniń bortyn Serbııa aspanynda osy eldiń áskerı áýe kúshteriniń ushaqtary alyp júrdi.

Memleketter basshylary eki eldiń saıası, saýda-ekonomıka, kólik-logıstıka jáne mádenı-gýmanıtarlyq salalardaǵy ózara yntymaqtastyǵynyń perspektıvalaryn talqylaıdy.