Aleksandr Vınokýrovtyń ákesi Petropavlda ótken velosıped jarysyna qatysty
Velosıpedshiler jarysy Aleksandr Vınokýrov atyndaǵy Sport saraıy ǵımaratynan bastaý alyp, qalalyq Jeńis saıabaǵynda márege jetti.
Deneshynyqtyrý jáne sport bóliminiń basshysy Danııar Joldaspaevtyń málimdeýinshe, velojarysqa 4 jáne 70 jas aralyǵyndaǵy 200-den astam adam qatysty. Olardyń qatarynda qalalyq balalar jáne jasóspirimderdiń velosıped sporty mektebiniń tárbıelenýshileri, Soltústik Qazaqstan oblysyndaǵy deneshynyqtyrý jáne sport bóliminiń basshysy Rýslan Esenalın, olımpıada chempıony Aleksandr Vınokýrovtyń ákesi Nıkolaı Vınokýrov jáne «Velosıped sportynyń qazaqstandyq federatsııasy» ÓQU-ynyń Soltústik Qazaqstan oblysyndaǵy fılıalynyń prezıdenti Muhtar Igibaev boldy.
Velojarys nátıjesi boıynsha jeńimpazdarǵa baǵaly syılyqtar tapsyryldy.