Aleksandr Shevchenko Rım masters týrnıriniń ekinshi aınalymyna shyqty

<p>RIM. KAZINFORM Qazaqstannyń ekinshi, álemniń 60-raketkasy Aleksandr Shevchenko Rım masters týrnıriniń ekinshi aınalymyna shyqty.</p>

Qazaqstandyq tennısshi alǵashqy kezdesýin álemniń 36-raketkasy, Majarstan ókili Fabıan Marojanmen ótkizdi.

Shevchenko 6:3, 6:2 esebimen aıqyn basymdylyqpen jeńiske jetti.

Bir saǵat 11 mınýtqa sozylǵan báseke barysynda Aleksandr 2 eıspen birge 7 breık-poınttyń tórteýin paıdalandy.

Aleksandr Shevchenko úshinshi aınalymǵa shyǵý úshin álemniń 18-raketkasy, reseılik Karen Hachanovpen sheberlik talastyrady.

Jarysty ekinshi aınalymnan bastaıtyn Qazaqstannyń birinshi, álemniń 17-raketkasy Aleksandr Býblıktiń de qarsylasy anyqtaldy. Ol dúnıejúzilik reıtıngide 53-orynda turǵan portýgalııalyq Nýný Borjeshpen oınaıdy.

Eske sala keteıik, budan buryn Zarına Dııastyń eki jyldan keıin alǵashqy jeńisine qol jetkizgenin jazǵan bolatynbyz.