MADRID. KAZINFORM - Qazaqstannyń ekinshi, álemniń 59-raketkasy Aleksandr Shevchenko Madrıd masters týrnıriniń ekinshi aınalymyna ótti.
Qazaqstandyq tennısshi alǵashqy aınalymda álemniń 77-raketkasy, frantsııalyq Artýr Rınderkneshpen sheberlik baıqasty.
Birinshi partııany Shevchenko breıkpen bitirdi - 6:4.
Ekinshisinde esep 5:5 bolǵan mezette frantsııalyq sportshy breık jasap ketti - 7:5.
Esesine matchty Shevchenko breıkpen támamdady - 6:4.
Eki saǵat 18 mınýtqa sozylǵan báseke barysynda qazaqstandyq tennısshi 3 eıspen birge 3 breık-poınttyń ekeýin paıdalandy. Artýr 5 eıs jasap, 7 breık-poınttyń bireýin ǵana óz esebine jazdy.
Aleksandr Shevchenko úshinshi aınalymǵa shyǵý úshin álemniń úshinshi, osy jarystyń 2-raketasy, Ispanııa ókili Karlos Alkaraspen talasady.
Eske sala keteıik, budan buryn Tımofeı Skatovtyń Chehııadaǵy týrnırdiń shırek fınalyna shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).