ASTANA. KAZINFORM – Qazaqstandyq tennısshi, álemniń 96-raketkasy Aleksandr Shevchenko Chendý (Qytaı) ATR 250 týrnıriniń ekinshi aınalymyna shyqty.
A.Shevchenko alǵashqy aınalymda frantsııalyq belgili tennısshi, álemniń 52-raketkasy, 39 jastaǵy Gael Monfıske qarsy keldi.
Birinshi partııada taı-breıkte Monfıs sátti oınady – 7:6 (7:3). Ekinshisinde Shevchenko ese qaıyrdy – 6:3.
Úshinshi sette esep qazaqstandyq sportshynyń paıdasyna 1:0 bolǵan mezette G.Monfıs matchty jalǵastyrýdan bas tartty.
Bir saǵat 49 mınýtqa sozylǵan básekede Shevchenko 7 eıspen birge 3 breık-poınttyń ekeýin múlt jibergen joq. Monfıs 3 eıs jasaǵanymen, 11 breık-poınttan eshteńe shyǵara almady.
Aleksandr Shevchenko shırek fınalǵa ótý úshin álemniń 36-raketkasy, 22 jastaǵy frantsııalyq Djovannı Mpetchı Perrıkarmen talasady.
Eske sala keteıik, budan buryn Bıllı Djın Kıng kýbogynda Qazaqstannyń AQSh-qa jol bergenin jazǵan edik.
Denıs Evseev Qytaıdaǵy týrnırdiń shırek fınalyna shyqty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).