ASTANA. KAZINFORM — Qazaqstannyń ekinshi, álemniń 100-raketkasy Aleksandr Shevchenko Bratıslava (Slovakııa) chellendjer týrnırin jeńispen bastady.
Jarystyń 1-raketkasy bolyp tirkelgen qazaqstandyq tennısshi alǵashqy kezdesýin dúnıejúzilik reıtıngide 285-oryndaǵy germanııalyq Krıstof Negrıtýmen ótkizdi.
Aleksandr Shevchenko bul matchta qınala qoıǵan joq – 6:4, 6:1.
Bir saǵat 8 mınýtqa sozylǵan oıynda qazaqstandyq sportshy 7 eıspen birge 11 breık-poınttyń tórteýin múlt jibergen joq. Negrıtý 6 eıspen shekteldi.
Aleksandr Shevchenko shırek fınalǵa shyǵý úshin álemniń 213-raketkasy, ulybrıtanııalyq ıAn Choınskımen talasady. Ol reıtıngide 342-satydaǵy slovakııalyq Iozef Kovalekti joldan taıdyrdy – 6:3, 6:4.
Taǵy bir qazaqstandyq, álemniń 182-raketkasy Mıhaıl Kýkýshkın Ilklı (Ulybrıtanııa) chellendjer dodasynyń alǵashqy aınalymynda reıtıngide 340-oryndaǵy jergilikti tennısshi, 22 jastaǵy Djek Pınnıngton-Djonstan utylyp qaldy – 2:6, 5:7.
Eske sala keteıik, budan buryn Elena Rybakınanyń London týrnırindegi qarsylasy anyqtalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).