Aleksandr Nedovesov Ýımbldonnyń alǵashqy aınalymynan asa almady

ASTANA. QazAqparat – Qazaqstannyń juptyq syndaǵy birinshi, álemniń 48-raketkasy Aleksandr Nedovesov Ýımbldon týrnıriniń alǵashqy aınalymynan asa almady, dep habarlaıdy QazAqparat tilshisi.

Qazaqstandyq tennısshi ekvadorlyq Gonsalo Eskobarmen birge ıtalııalyqtar Sımone Bolellı – Andrea Vavassorımen sheberlik baıqasty.

Birinshi partııada ıtalııalyq jup 6:4 esebimen basym tústi.

Ekinshi sette olar taı-breıkte jeńisti julyp aldy – 7:6 (9:7).

Saǵat jarymnan astam ýaqytqa sozylǵan báseke barysynda Nedovesov pen Eskobar 4 eıs jasap, 5 breık-poınttyń bireýin ǵana paıdalana aldy.

Qarsylastary 3 eıspen birge 2 breık-poıntty múlt jibergen joq.

Osylaısha, Ýımbldonda jekeleı synda Elena Rybakına men Aleksandr Býblık jarys jolyn jalǵastyryp jatyr.

Juptyq synda Andreı Golýbev, ıÝlııa Pýtıntseva jáne Aleksandr Býblık óner kórsetedi.

Eske sala keteıik, budan buryn Ýımbldonda Elena Rybakınanyń ekinshi qarsylasy anyqtalǵanyn jazǵan bolatynbyz.

Sondaı-aq úsh qazaqstandyq jas tennısshi Tegerandaǵy týrnırdiń shırek fınalyna ótti.

Ýımbldonda Aleksandr Býblık úshinshi aınalymǵa joldama aldy, al Anna Danılına jeńilip qaldy.

Elena Rybakına ekinshi jeńisine qol jetkizdi.