Aleksandr Nedovesov Shveıtsarııadaǵy týrnırdiń shırek fınalyna joldama aldy

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 38-raketkasy Aleksandr Nedovesov Jeneva (Shveıtsarııa) ATR 250 týrnıriniń shırek fınalyna joldama aldy.</p>

Qazaqstandyq tennısshi ekvadorlyq Gonsalo Eskobarmen bastapqy kezdesýin amerıkalyqtar Natanıel Lammons — Djekson Ýızroýmen ótkizdi.

Birinshi partııany qazaqstandyq-ekvadorlyq jup óz esebine jazdy – 6:4. Ekinishisinde amerıkalyq dýet ese qaıyrdy. Sýper taı-breıkti Nedovesov – Eskobar sátti aıaqtaı aldy – 10:3. Bir saǵat 24 mınýtqa sozylǵan matchta olar 2 eıspen birge 5 breık-poınttyń bireýin ǵana paıdalandy. Amerıkalyqtar 5 eıs, 1 breıkpen kózge tústi.

Aleksandr Nedovesov – Gonsalo Eskobardyń shırek fınaldaǵy qarsylastary keıin belgili bolady.

Parıjde ótip jatqan Rolan Garros týrnıriniń irikteý saıystary qazaqstandyqtar úshin sátsiz bastaldy.

Osyndaı deńgeıdegi jarysqa alǵash ret qatysqan álemniń 171-raketkasy Beıbit Juqaev reıtıngide ózinen jeti saty tómen turǵan argentınalyq Hýan Manýel Serýndoloǵa ese jiberdi – 4:6, 3:6.

Taǵy bir qazaqstandyq, álemniń 167-raketkasy Denıs Evseev debıýttik matchynda reıtıngide 236-oryndaǵy bolgarııalyq Adrıan Andreevke 2 saǵat 33 mınýtqa sozylǵan tartysty básekede jol berdi – 6:3, 4:6, 6:7 (7:10). Sońǵy, sheshýshi sette 3:0, 4:1 esebimen alda turǵan D.Evseev sol basymdylyǵynan aıyrylyp qaldy. 

Qazaqstannyń áıelder arasynda ekinshi, álemniń 37-raketkasy ıÝlııa Pýtıntseva Strasbýrg (Frantsııa) WTA 500 týrnıriniń irikteý saıystarynan sátti ótkenimen, búgin alǵashqy aınalymda reıtıngide 34-satydaǵy chehııalyq Katerına Sınıakovadan jeńilis tapty – 0:6, 5:7. 

Eske sala keteıik, budan buryn Aleksandr Nedovesovtiń álemdik reıtıngide rekordtyq nátıjege qol jetkizgenin jazǵan bolatynbyz.

Aleksandr Shevchenko Jeneva jarysyn jeńispen bastady.