Aleksandr Nedovesov Meksıkada Akapýlko ATP 500 týrnırin jeńispen bastady

<p>ASTANA. KAZINFORM &ndash; Qazaqstannyń juptyq synda birinshi, álemniń 49-raketkasy Aleksandr Nedovesov Akapýlko (Meksıka) ATP 500 týrnıriniń shırek fınalyna joldama aldy.</p>

Qazaqstandyq tennısshi ekvadorlyq Gonsalo Eskobarmen birge alǵashqy aınalymda Los-Kabos (Meksıka) ATP jarysynyń fınalyndaǵy qarsylastary, aýstralııalyqtar Maks Persell – Djordan Tompsonmen oınaýy kerek edi.

Biraq aýstralııalyq jup kelmeı qaldy da, olardyń ornyna meksıkalyqtar Emılıano Agılera Gerrero – Manýel Hosabed shyqty.

Qazaqstandyq-ekvadorlyq dýet matchty birden breıkpen bastady – 2:0. Osy basymdylyqty set bitkenshe ýysynan shyǵarǵan joq.

Ekinshi partııa da sátti bastaldy – 2:0. Aqyry match jeńispen túıindeldi – 6:4.

Bir saǵattan astam ýaqytqa sozylǵan báseke barysynda Nedovesov – Eskobar 4 eıspen birge 7 breık-poınttyń úsheýin paıdalandy. Meksıkalyqtar 1 eıs, 1 breıkpen (3 breık-poınt) shekteldi.

Aleksandr Nedovesov – Gonsalo Eskobar jartylaı fınalǵa shyǵý úshin jarystyń 4-raketkalary, frantsııalyqtar Sadıo Dýmbııa – Faben Rebýlmen sheberlik talastyrady.

Eske sala keteıik, budan buryn Jibek Qulambaevanyń Úndistandaǵy týrnırde bir kúnde eki jeńiske qol jetkizgenin jazǵan edik.

Sondaı-aq Anna Danılına AQSh-taǵy jarystyń shırek fınalyna ótti.