Aleksandr Nedovesov Germanııadaǵy týrnırdi sátti bastady

<p>ASTANA. KAZINFORM - Qazaqstannyń juptyq syndaǵy birinshi, álemniń 43-raketkasy Aleksandr Nedovesov Galle (Germanııa) ATP 500 týrnıriniń irikteý saıysyn sátti bastady.</p>

Qazaqstandyq tennısshi ıspanııalyq Pedro Martınes-Porteromen birge irikteý saıystarynyń jartylaı fınalynda germanııalyqtar Oskar Otte - Andreas Mespen synǵa tústi.

Birinshi partııada germanııalyq jup 6:3 esebimen basymdyq tanytty. Ekinshisinde qazaqstandyq-ıspanııalyq dýet qarymta qaıyrdy - 7:6 (7:5). Sodan keıin sýper taı-breıkte jeńisti julyp aldy - 10:8. 1 saǵat 41 mınýtqa sozylǵan báseke barysynda Nedovesov - Martınes-Portero 5 eıspen kózge tústi. Germanııalyqtar 6 eıs jasap, 2 breık-poınttyń bireýin paıdalandy.

Aleksandr Nedovesov - Pedro Martınes-Portero irikteý saıystarynyń fınalynda úndistandyq ıÝkı Bhambrı - frantsııalyq Albano Olıvettımen sheberlik talastyrady. Bulardy jeńse, negizgi jarysqa joldama alady.

Eske sala keteıik, budan buryn qazaqstandyq tennısshiniń Týnıstegi jarysta jeńimpaz bolǵanyn jazǵan edik.