Aleksandr Nedovesov Aýstrııadaǵy jarystyń jartylaı fınalyna ótti

ASTANA. QazAqparat – Qazaqstannyń juptyq syndaǵy birinshi, álemniń 45-raketkasy Aleksandr Nedovesov Kıtsbıýel (Aýstrııa) ATP 250 týrnıriniń jartylaı fınalyna joldama aldy, dep habarlaıdy QazAqparat tilshisi.

Dodanyń 4-raketkasy bolyp tirkelgen qazaqstandyq tennısshi ekvadorlyq Gonsalo Eskobarmen birge shırek fınalda monakolyq Romen Arneodo – aýstrııalyq Sem Vaıssbornmen kortqa shyqty.

Birinshi partııada qazaqstandyq-ekvadorlyq dýet 6:3 esebimen basymdylyq tanytty. Ekinshi sette de olar 2:0 esebimen alǵa ketti. Taǵy bir breık – 5:2.

Sosyn matchty jeńispen túıindedi – 6:2. Bir saǵattan astam ýaqytqa sozylǵan báseke barysynda 3 eıs jasap, 7 breık-poınttyń tórteýin múlt jibergen joq.

Aleksandr Nedovesov pen Gonsalo Eksobar fınalǵa shyǵý úshin jarystyń 2-raketkalary, ıtalııalyqtar Sımone Bolellı – Andrea Vavassorı nemese portýgalııalyq Fransıshký Kabral – brazılııalyq Rafael Matos juptarynyń qaı jeńgenimen talasady.

Eske sala keteıik, budan buryn Aleksandr Nedovesovtiń Aýstrııadaǵy týrnırdiń shırek fınalyna shyqqanyn jazǵan bolatynbyz.

Aleksandr Býblık Vashıngtonda qarsylasyna ese jiberdi.