Aleksandr Nedovesov Aýstralııadaǵy jarystyń jartylaı fınalyna ótti

<p>Qazaqstannyń juptyq syndaǵy birinshi, álemniń 46-raketkasy Aleksandr Nedovesov Adelaıde (Aýstralııa) ATP 250 týrnıriniń jartylaı fınalyna shyqty, dep habarlaıdy <a href="Kazinform" target="_blank" rel="noopener">Kazinform.</a></p>

Qazaqstandyq tennısshi ekvadorlyq Gonsalo Eskobarmen birge shırek fınalda germanııalyqtar Konstantın Frantsen – Hendrık Iebens jubymen sheberlik baıqasty. 

Birinshi partııany qazaqstandyq-ekvadorlyq dýet 6:3 esebimen támamdady. Ekinshi sette de dál osy esep (6:3) tirkeldi. 

Bir saǵat 13 mınýtqa sozylǵan báseke barysynda A.Nedovesov – G.Eskobar juby 5 breık-poınttyń úsheýin paıdasyna jarata aldy. Qarsylas dýet 7 eıspen kózge tústi.

Endi olar fınalǵa shyǵý úshin jarystyń 2-raketkalary, úndistandyq Rohan Bopanna – aýstralııalyq Mettıý Ebdenmen kúsh synasady. 

Eske sala keteıik, budan buryn Dmıtrıı Popkonyń Býenos-Aıres týrnıriniń shırek fınalyna joldama alǵanyn jazǵan bolatynbyz. Sondaı-aq Elena Rybakınanyń Aýstralııa ashyq chempıonatyndaǵy  alǵashqy qarsylasy anyqtaldy.