Aleksandr Nedovesov Aýstralııadaǵy týrnırdiń shırek fınalyna shyqty

<p>Qazaqstannyń juptyq syndaǵy birinshi, álemniń 46-raketkasy Aleksandr Nedovesov Adelaıde (Aýstralııa) ATP 250 týrnıriniń shırek fınalyna shyqty, dep habarlaıdy <a href="Kazinform." target="_blank" rel="noopener">Kazinform.</a></p>

A.Nedovesov ekvadorlyq Gonsalo Eskobarmen birge ekinshi aınalymda jarystyń 7-raketkalary, ulybrıtanııalyq Lloıd Glasspýl – nıderlandylyq Jan-Jıýlen Roıermen kortta kezdesti. 

Qazaqstandyq-ekvadorlyq dýet 6:4, 6:4 esebimen jeńiske jetti. 1 saǵat 14 mınýtqa sozylǵan báseke barysynda olar 9 breık-poınttyń úsheýin paıdalandy. Ulybrıtanııalyq-nıderlandylyq jup 2 eıs, 1 breıkpen (3 breık-poınt) shekteldi. 

Aleksandr Nedovesov – Gonsalo Eskobar jartylaı fınalǵa shyǵý úshin germanııalyqtar Konstantın Frantsen – Hendrık Iebenspen kim myqtyny anyqtaıdy.

Eske sala keteıik, budan buryn Aleksandr Býblıktiń jańa jyldaǵy birinshi jeńisine qol jetkizgenin jazǵan bolatynbyz.

Sondaı-aq qazaqstandyq tennısshi Argentınadaǵy jarystyń ekinshi aınalymyna shyqty. Beıbit Juqaev Aýstralııa ashyq chempıonatyn jeńispen bastady.