Aleksandr Nedovesov alǵash ret ATP 250 týrnıriniń chempıony atandy

ASTANA. QazAqparat – Qazaqstannyń juptyq syndaǵy birinshi, álemniń 53-raketkasy Aleksandr Nedovesov Bastad (Shvetsııa) ATP 250 týrnıriniń chempıony atandy, dep habarlaıdy QazAqparat tilshisi.

Qazaqstandyq tennısshi ekvadorlyq Gonsalo Eskobarmen birge fınalda portýgalııalyq Fransıshký Kabral – brazılııalyq Rafael Matospen bas júlde úshin synǵa tústi.

A.Nedovesov pen G.Eskobar eki sette de 6:2, 6:2 esebimen basymdylyq tanytty. Olar bir saǵattan astam ýaqytqa sozylǵan báseke barysynda 1 eıs jasap, 10 breık-poınttyń teń jartysyn paıdalandy. Qarsylastary 3 eıs, 1 breıkpen (4 breık-poınt) shekteldi.

Osylaısha, A.Nedovesov óz sporttyq jolynda alǵash ret ATP 250 jarysynyń jeńimpazy boldy. Buǵan deıin ol tórt márte fınalǵa shyǵyp, bárinde jeńilis tapqan edi.

Eske sala keteıik, budan buryn Astanada Prezıdent kýbogi úshin tennısten halyqaralyq týrnır bastalǵanyn jazǵan bolatynbyz.

Sondaı-aq Astanada Aryslanbek Aıtqulov álemniń eks 33-raketkasyn utty.