Aleksandr Lýkashenkonyń anasy qaıtys boldy

ASTANA. QazAqparat - Belarýs prezıdentiniń anasy Ekaterına Lýkashenko qaıtys boldy. Bul týraly seısenbi kúni, 26 mamyrda «Belarýs 1» arnasynyń efırinde Belarýs memleket basshysynyń baspasóz hatshysy Natalıa Eısmont habarlady.

Prezıdent Aleksandr Lýkashenko osyǵan baılanysty óziniń Pákistanǵa baratyn jumys saparyn eki kúnge shegerdi, dep habarlady Eısmont.

Jumys sapary 26-27 mamyrǵa josparlanǵan edi. Sapar barysynda prezıdent Mamnýn Hýseınmen, premer-mınıstr Navaz Sharıfpen, parlamenttiń ulttyq assambleıa spıkeri Sardar Sadıkpen kelissózder júrgizý kózdelgen. Sapar qorytyndysy boıynsha Mınsk birqatar qujatqa qol qoıylady dep eseptegen, dep jazdy Lenta.ru . «Pákistanda Belarýs prezıdentin kútip otyrǵanyn biz bilemiz. Qabyldaýshy taraptyń túsinistik tanytyp, kelissózderdi keıinge shegergeni úshin alǵysymyzdy bildiremiz», - degen baspasóz hatshysynyń sózderin keltirdi.

Ekaterına Lýkashenko 1924 jyly BKSR Mogılev oblysy Shklovsk aýdany Aleksandrııa aýylynda týǵan. Uly Otan soǵysyna deıin osy jerde turǵan. 1945 jyly ol Vıtebsk oblysyndaǵy Orshan zyǵyr kombınatyna jumysqa ornalasqan. 1954 jyly uly Aleksandrdy dúnıege ákelgen soń ol týǵan aýylyna oraldy. Munda saýynshy bolyp jumys istedi. Belarýstiń bolashaq prezıdenti ákesiz tárbıelendi.