Aleksandr Lýkashenko jumys saparymen Ýkraınaǵa bardy
20:48, 21 Jeltoqsan 2014
ASTANA. QazAqparat - Belarýs Prezıdenti Aleksandr Lýkashenko jumys saparymen Ýkraınaǵa bardy, dep habarlady BELTA.
Kıevte Belarýs basshysy Ýkraına Prezıdenti Petr Poroshenkomen kelissózder júrgizedi. Memleket basshylary Belarýs-Ýkraına kún tártibindegi ózekti sondaı-aq, halyqaralyq mańyzdy máselelerdi talqylaıdy dep josparlanǵan.
Buǵan deıin «QazAqparattyń» Aqorda baspasóz qyzmetine silteme jasaı otyryp habarlaǵanyndaı, 22 jeltoqsan kúni Qazaqstan Respýblıkasynyń Prezıdenti Nursultan Nazarbaevtyń Ýkraınaǵa jumys sapary josparlanǵan. Jumys saparynda Elbasy Ýkraına basshysymen kezdesedi.