Aleksandr Lýkashenko qazanda Qazaqstanǵa saparmen kelmek
Kezdesý barysynda Belarýs Syrtqy ister mınıstri Qazaqstan-belarýs qatynastaryn damytýǵa qosqan jeke úlesi jáne eki el arasyndaǵy strategııalyq seriktestikti nyǵaıtýǵa qosqan úlesi úshin Elshige alǵysyn bildirdi.
Sondaı-aq Qazaqstannyń Tuńǵysh Prezıdenti – Elbasy Nursultan Nazarbaevtyń 2017 jylǵy qarashada Belarýs Respýblıkasyna jasaǵan resmı sapary saýda-ekonomıkalyq jáne gýmanıtarlyq baılanystardyń keńeıýine yqpal etkenin, ekijaqty yntymaqtastyqtyń basym baǵyttaryn aıqyndaýda sheshýshi mánge ıe ekenin atap ótti.
Sonymen birge V.Makeı E.Ertisbaevtyń eki el arasyndaǵy mádenı-gýmanıtarlyq qatynastardy damytýǵa jáne Belarýste Qazaqstannyń mádenıet kúnderin ótkizýge qosqan qomaqty úlesin atap ótti.
Óz kezeginde qazaqstandyq dıplomat Belarýs tarapyna eki el arasyndaǵy yntymaqtastyqty damytýda Elshiliktiń kúsh-jigerine turaqty qoldaý men kómek kórsetkeni úshin rızashylyǵyn bildirdi jáne taraptar arasynda árdaıym jaqsy nıet pen ózara tıimdi múddelerge negizdelgen konstrýktıvti jumys qarqyny saqtalatynyna sendirdi.
Ol osy jyldyń sońǵy aılaryndaǵy ózara saýdanyń oń dınamıkasyn qanaǵattanýshylyqpen atap ótip, Belarýs tarapymen syndarly ózara is-qımyl jasaý arqyly Qazaqstannyń saýda balansy oń baǵytta ózgeretinine úmit bildirdi.
Aldaǵy ekijaqty is-sharalardyń kún tártibine, eń aldymen, Belarýs Prezıdenti Aleksandr Lýkashenkonyń 2019 jyldyń qazan aıynda Qazaqstanǵa josparlanǵan saparyna erekshe nazar aýdaryldy.
Osy turǵyda V.Makeı Belarýs tarapy qazaqstandyq seriktestermen yntymaqtastyqta qarqyndy daıyndyqtar júrgizip jatqandyǵyn atap ótti.
Ol Belarýs tarapynyń usynysy boıynsha jańa ǵımaratta Belarýs Respýblıkasynyń Qazaqstandaǵy Elshiliginiń ashylý rásimi qarastyrylatyndyǵyn jáne múddeli belarýs jáne qazaqstandyq kompanııalardyń qatysýymen bıznes-forým ótkizýdi josparlap otyrǵanyn atap ótti.