Aleksandr Lýkashenko Qazaqstanǵa UQShU sammıtine keldi

<p>ASTANA. KAZINFORM - Belarýs Prezıdenti Aleksandr Lýkashenko Qazaqstanǵa jumys saparymen keldi.</p>

Belarýs memleketiniń basshysy 28 qarasha kúni Astanada ótetin UQShU Ujymdyq qaýipsizdik keńesiniń otyrysyna qatysady.

Onda memleket basshylary halyqaralyq jáne óńirlik jaǵdaı, onyń UQShU-ǵa múshe memleketterdiń qaýipsizdigine áseri týraly pikir almasady, yntymaqtastyq nátıjeleri men ujymdyq qaýipsizdik júıesin odan ári damytý perspektıvalaryn talqylaıdy.

Sammıt qorytyndysy boıynsha taraptar birqatar qujattarǵa qol qoıýdy josparlap otyr. Olardyń qatarynda Uly Otan soǵysyndaǵy Jeńistiń 80 jyldyǵyna baılanysty málimdeme bar.

Sonymen qatar, 28 qarashada Astanada Syrtqy ister mınıstrleri keńesiniń, Qorǵanys mınıstrleri keńesiniń jáne UQShU Qaýipsizdik keńesteri hatshylary komıtetiniń birlesken otyrysy ótedi.

Esterińizge sala keteıik, buǵan deıin Qasym-Jomart Toqaev Aqordada Vladımır Pýtındi qarsy aldy.