Aleksandr Lýkashenko «Habar» agenttigine suhbat berdi

NUR-SULTAN. QazAqparat – Belarýs Prezıdenti Aleksandr Lýkashenko «Habar» agenttigine suhbat berdi, dep habarlaıdy QazAqparat.

«Habar» agenttigi basqarma tóraǵasy Erlan Bekhojınmen áńgime barysynda Belarýs Prezıdenti eki eldiń búgingi qarym-qatynasy jóninde jan-jaqty aıtty.

Sondaı-aq, ol bolashaqta eki el arasyndaǵy qarym-qatynastyń damı beretindigin, taýar aınalymnyń ósetindigin jetkizdi. Suhbat barysynda A. Lýkashenko Eýrazııalyq ekonomıkalyq odaq týraly, onyń geografııasynyń keńeıýi taqyrybyna bólek toqtaldy. Prezıdent eki el arasyndaǵy yntymaqtastyqty qalyptastyrýdaǵy negizgi kezeńderge toqtalyp, «táýelsizdik» sóziniń negizgi maǵynasyn, mánin túsindirdi.

«Jańa Prezıdenttiń basqarý kezeńinde de eki el arasyndaǵy qarym-qatynas jalǵasyn tabady. Biz osy baǵytty ustanatyn bolamyz»,- dedi Aleksandr Lýkashenko.

Suhbat barysyndaǵy Prezıdentke joldanǵan saýaldardyń basym bóligi Belarýs pen Qazaqstan elderiniń qarym-qatynastarynyń damýyna, Eýrazııalyq ekonomıkalyq odaq formatynyń ózara árekettesýiniń problemalaryna qatysty boldy.

Sonymen birge, Belarýs basshysynyń jeke basyna qatysty da keıbir suraqtar da qoıyldy.