Aleksandr Lýkashenko Astanaǵa ShYU sammıtine qatysý úshin keldi

<p>ASTANA. KAZINFORM &ndash; Belarýs prezıdenti Aleksandr Lýkashenko Shanhaı yntymaqtastyq uıymynyń sammıtine qatysý úshin Astanaǵa keldi.</p>

Sammıt aıasynda Aleksandr Lýkashenko sheteldik áriptesterimen birqatar kezdesýler men kelissózder ótkizedi dep kútilýde.

Aldaǵy sammıtte Belarýs úshin basty másele – eldi ShYU-ǵa múshelikke qabyldaý rásimin aıaqtaý. Aleksandr Lýkashenko sammıtte sóıleıtin sózinde uıym jumysyndaǵy eń mańyzdy salalarǵa jáne Belarýstiń ortaq máselelerdi sheshýge qosqan úlesine toqtalady dep josparlanýda.

Belarýs ShYU-ǵa 2010 jyldan bastap dıalog boıynsha seriktes, 2015 jyldan bastap baqylaýshy retinde qatysyp keledi. Samarqandta 2022 jylǵy 16 qyrkúıektegi Memleket basshylary keńesiniń qorytyndysy boıynsha uıymǵa kirý rásimin bastaý týraly sheshimge qol qoıyldy. Osy protsestiń aıasynda Belarýs 40-tan astam shartqa qosyldy.

Aıta keteıik, ShYU Astana sammıti qarsańynda Aleksandr Lýkashenko agenttik tilshisine eksklıýzıvti suhbat bergen bolatyn.