Aleksandr Kýlıkov slalomdy esýden Olımpıadaǵa joldama jeńip aldy

NUR-SULTAN. QazAqparat - Taılandtyń Pattaııa qalasynda slalomdy esýden Olımpıadaǵa Azııa aımaqtyq irikteý týrnıri ótip jatyr. Atalǵan synda Qazaqstan qorjynyna alǵashqy joldama tústi, dep habarlaıdy QazAqparat.

QR Ulttyq Olımpıada komıtetinen málim etkendeı, erler arasyndaǵy jekeleı synda qazaqstandyq Aleksandr Kýlıkov jeńiske jetti. Onyń ýaqyt kórsetkishi - 80.42.

Bul básekede Olımpıada joldamasy tek qana jeńimpaz sportshyǵa beriledi.

Fınalda baq synaǵan taǵy bir qazaqstandyq sportshy Qýanysh Erenǵaıypov 7-shi orynnan kórindi.

Aqtyq synda jalpy esebi on sportshy jarysqan bolatyn.

Aıta ketelik, Aleksandr Kýlıkov 2018 jylǵy Azııa oıyndarynda qola júldeger atanyp, sporttyń bul túrinen Qazaqstanǵa Azıadanyń alǵashqy medalin syılaǵan. Sondaı-aq, Kýlıkov 2017 jyly Iranda ótken jasóspirimder arasyndaǵy Azııa chempıonatynyń jeńimpazy.