Aleksandr Kolıadınge 3 bólmeli páter men avtokólik kilti tapsyryldy
Táýelsiz el tarıhyndaǵy tuńǵysh Paralımpıada chempıonyna Qostanaıdaǵy 3 bólmeli páterdiń sertıfıkaty, 1 mln teńge jáne jergilikti zaýyttan shyqqan Jac markaly avtokóliktiń kilti tapsyryldy. Buǵan qosa onyń alǵashqy bapkeri Nıkolaı Stepın de syılyqsyz qalmady. Oǵan 500 myń teńgeniń sertıfıkaty tabystaldy. Oblys ákimi Arhımed Muhambetov óziniń quttyqtaý sózinde, jerlesimizdiń jeńisi ońaı kelmegenin aıtty.
«Shańǵydan QR ulttyq quramasynyń múshesi Aleksandr sonaý 1997 jyly kólik apatyna túsip, sportqa qaıta oraldy. Bul bir jaǵynan erlikke tatıdy. Mundaı jaǵdaıda kóbi moraldyq turǵydan alǵanda álsiz qalady. Biraq, jerlesimiz kúsh-jigeriniń arqasynda bizge osyndaı qundy jeńisti syılady. Aleksandr aldyńǵy Paralımpıadanyń ózinde-aq «altyn» alýy múmkin edi. Alaıda oǵan nebári 10 sekýnd jetpeı qaldy. Ol bıyl aqyry óz degenine jetti», - dedi óńir basshysy.
Eske salsaq, búgin Qostanaı oblysy ákiminiń orynbasary Marat Júndibaev, qala ákimi Bazyl Jaqypov jáne Sarykól aýdanynyń ákimi Eldar Kúzenbaev tuńǵysh Paralımpıada chempıonyn áýejaıda qarsy aldy.