Aleksandr Gerlıts Qazaqstan tarıhyndaǵy úshinshi paralımpıada medalin jeńip alǵan
QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Samat Erǵalıev ortalyq kommýnıkatsııalar qyzmetinde ótken brıfıngide osyndaı statıstıka keltirdi.
«Qytaı elinde 4-13 naýryz aralyǵynda ótken XIII qysqy Paralımpıada oıyndarynda elimizdiń ulttyq qurama komandasy bir qola medalǵa qol jetkizip, 53 memlekettiń arasynda komandalyq esepte 17-shi orynǵa turaqtady. Oıyndarda 700-den astam sportshy parashańǵy jarysy, parabıatlon, parahokkeı, taý shańǵysy, arbadaǵy kerlıng jáne snoýbord sııaqty sporttyń 6 túrinen 78 medal jıyntyǵyn sarapqa saldy. Onyń ishinde bizdiń sportshylar 12 medal jıyntyǵy boıynsha baq synady», - dedi komıtet tóraǵasy.
Aıtýynsha, bul jolǵy paralımpıada oıyndarynda el namysyn 5 sportshymyz qorǵaǵan.
Naqtyraq aıtsaq, Aleksandr Gerlıts (SQO), Erbol Hamıtov (SQO), Sergeı Ýsoltsev (SQO), Denıs Petrenko (Aqmola oblysy) jáne ıÝrıı Berezın (Qostanaı oblysy).
«2022 jylǵy 8 naýryzda Aleksandr Gerlıts para bıatlonnan 10 shaqyrym qashyqtyqta úzdik úshtikke enip, qola medalge qol jetkizdi. Bul - táýelsizdik alǵan jyldardan bergi Qazaqstan qurama komandasynyń qysqy Paralımpıada oıyndaryndaǵy úshinshi medali», -dedi Samat Erǵalıev.
Komıtettiń málimeti boıynsha, Qazaqstan tarıhynda qysqy Paralımpıada oıyndarynda bizdiń sportshylar 1 kúmis jáne 1 altyn medal alǵan.