Aleksandr Tsınker: Qazaqstandaǵy reformalardyń maqsaty bılik tarmaqtarynyń teńgerimin qalyptastyrý
«Prezıdenttiń úndeýi memlekettik bılik tarmaqtary arasynda ókilettikterdi qaıta bólýge, qorytyndysynda eldegi bılik qarym-qatynastarynda barlyq júıelerdi qaıta júkteýge baǵyttalǵan. Reforma Prezıdent, Parlament jáne Úkimettiń ókilettigi arasyndaǵy teńgerimdi túbegeıli ózgertýdi kózdeıdi. Eger erterekte, memlekettiń qalyptasý protsesinde barlyǵy da prezıdenttik basqarý tóńireginde qalyptastyrylsa, endi myna reforma bıliktik ókilettikterdi baıypty qaıta bólýdi kózdeıdi», - dep atap ótti sarapshy.
Aleksandr Tsınkerdiń atap ótýinshe, prezıdenttik 40 ókilettikti Parlament pen Úkimetke bólip berý bir jaǵynan olardyń mártebesin arttyrady, ekinshi jaǵynan jaýapty zańnamalyq jáne atqarýshylyq jumys pen tártipti talap etedi.
«Qazaqstan Prezıdenti mundaı jaǵdaıda reformany tabysty júzege asyrý jáne memlekettik bıliktiń barlyq tarmaqtarynyń tıimdiligin arttyrý úshin olardyń arasynda sáıkesinshe balans pen qarama-qarsylyq qurý mańyzdy dep sanaıdy. Munan shyǵary, qujatta bıliktiń zań shyǵarýshy jáne atqarýshy tarmaqtary arasyndaǵy jańa ózara qarym-qatynas keńinen sıpattalady. Parlamenttiń rólin arttyryp, Úkimetkke áleýmettik-ekonomıkalyq protsesterdi retteý boıynsha ókilettikterdiń basym sanyn berý Nazarbaevqa syrtqy saıasat, ulttyq qaýipsizdik jáne eldiń qorǵanys qabileti boıynsha strategııalyq sheshimder ázirleýge nazar aýdarýǵa múmkindik jasaıdy. Prezıdentte bılik tarmaqtary arasyndaǵy qarym-qatynasta bedeldi tóreshi qyzmeti qalady. Al bul ýaqyttyń taıaý kezeńi ishinde konstıtýtsııalyq reforma prezıdenttik respýblıkadan bas tartyp, basqarýdyń prezıdenttik-parlamenttik júıesine kóshýdi kózdemeıtindigin bildiredi», - dedi Tsınker.