Aleksandr Býblık juptyq synda Rotterdam týrnıriniń shırek fınalyna shyqty

ASTANA. QazAqparat – Qazaqstannyń birinshi, álemniń 50-raketkasy Aleksandr Býblık juptyq synda Rotterdam (Nıderland) ATP 500 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi shveıtsarııalyq Sten Vavrınkamen birge bastapqy kezdesýin jarystyń ekinshi raketkalary, horvatııalyqtar Nıkola Mektıch – Mate Pavıchpen ótkizdi.

Qazaqstandyq-shveıtsarııalyq jup 3:6, 7:6 (7:3), 10:3 esebimen jeńiske jetti.

Bir saǵat 21 mınýtqa sozylǵan báseke barysynda Býblık pen Vavrınka 6 eıs jasady. Qarsylastary 4 eıs, 2 breıkpen kózge tústi.

A.Býblık pen S.Vavrınka jartylaı fınalǵa shyǵý úshin belgııalyqtar Sander Jıl – Ioran Flıgenmen talasady.

Bir qyzyǵy, A.Býblık jekeleı synda alǵashqy aınalymda dál osy S.Vavrınkaǵa jol bergen bolatyn.

Eske sala keteıik, budan buryn Aleksandr Býblıktiń túrli jarysta qatarynan onynshy ret jeńilis tapqanyn jazǵan bolatynbyz.

Foto – Qazaqstan tennıs federatsııasy