Aleksandr Býblık juptyq synda Rım týrnıriniń shırek fınalyna shyqty

<p>RIM. KAZINFORM - Qazaqstandyq tennısshi juptyq synda Rım masters týrnıriniń shırek fınalyna ótti.&nbsp;</p>

Qazaqstandyq sportshy amerıkalyq Ben Sheltonmen birge ekinshi aınalymda brazılııalyq Marselo Melo - germanııalyq Aleksandr Zverevten aılasyn asyrdy.

Birinshi partııada brazılııalyq-germanııalyq jup aıqyn basymdylyq tanytty - 6:2. Esesine ekinshisinde Býblık - Shelton qarymta qaıyrdy - 6:3. Sosyn sýper taı-breıkte jeńisti julyp aldy - 10:7.

Bir saǵat 21 mınýtqa sozylǵan báseke barysynda qazaqstandyq-amerıkalyq dýet 1 eıspen birge 7 breık-poınttyń úsheýin paıdalandy. Melo - Zverev 4 breıkpen (9 breık-poınt) kózge tústi.

Aleksandr Býblık - Ben Sheltonnyń shırek fınaldaǵy qarsylastary keıin belgili bolady.

Eske sala keteıik, budan buryn qazaqstandyq tennısshiniń Grýzııadaǵy týrnırdiń chempıony atanǵanyn jazǵan bolatynbyz. Al, ıÝlııa Pýtıntseva Rımde álemniń birinshi raketkasyna jol berdi.