Aleksandr Býblık jańa jyldaǵy birinshi jeńisine qol jetkizdi

<p>Qazaqstannyń birinshi, álemniń 31-raketkasy Aleksandr Býblık Adelaıde (Aýstralııa) ATP 250 týrnırin jeńispen bastady, dep habarlaıdy Kazinform</p>

Jarystyń 8-raketkasy bolyp tirkelgen qazaqstandyq tennısshi jańa jyldaǵy alǵashqy kezdesýin dúnıejúzilik reıtıngide 278-orynda turǵan aýstralııalyq Djeıms Makkeıbpen ótkizdi.

Birinshi partııada A.Býblık aıqyn basymdylyq tanytty – 6:2.

Ekinshi sette de osy qarqynynan tanǵan joq – 6:3.

Bir saǵat 16 mınýtqa sozylǵan match barysynda A.Býblık 2 eıs jasap, 6 breık-poınttyń beseýin júzege asyrdy. D.Makkeıb 1 eıs, 1 breıkten (3 breık-poınt) asa almady.

Aleksandr Býblık shırek fınalǵa shyǵý úshin álemniń 40-raketkasy, ulybrıtanııalyq Denıel Evans nemese reıtıngide 70-satydaǵy aýstralııalyq Rınkı Hıdjıkatanyń bireýimen talasady.
Eske sala keteıik, budan buryn ıÝlııa Pýtıntsevanyń Hobartta utylyp jatyp, jeńisti julyp alǵanyn jazǵan bolatynbyz.

Sondaı-aq Anna Danılına Hobart jarysynyń shırek fınalyna joldama aldy.

Aleksandr Nedovesov Aýstralııadaǵy jarysty jeńispen bastady.

Jibek Qulambaeva Taılandtaǵy jarystyń shırek fınalyna shyqty.