Aleksandr Býblık jańa maýsymdy Adelaıda týrnırinen bastaıdy

<p>ASTANA. KAZINFORM &mdash; Qazaqstannyń erler arasynda birinshi, álemniń 33-raketkasy Aleksandr Býblık Adelaıda (Aýstralııa) ATP 250 týrnırinde baq synaıdy.</p>

Bul qazaqstandyq tennısshiniń jańa maýsymdaǵy alǵashqy jarysy bolmaq.

Jańa jyldy óziniń otbasymen qarsy alyp, Aýstralııaǵa attanǵan A.Býblık Adelaıdada bastapqy kezdesýin álemniń 54-raketkasy, serbııalyq Mıomır Ketsmanovıchpen ótkizedi.
Bul dodanyń júlde qory — 766 290 dollar.

Júlde qory 1 mln dollardan asatyn áıelder arasynda Adelaıda WTA 500 týrnırine Qazaqstannyń ekinshi, álemniń 29-raketkasy ıÝlııa Pýtıntseva qatysady. Onyń alǵashqy qarsylasy — álemniń 19-raketkasy, Parıj Olımpıadasynyń kúmis júldegeri, horvatııalyq Donna Vekıch.

Eki jarys ta 6-11 qańtar aralyǵynda ótedi.

Eske sala keteıik, budan buryn Qazaqstan quramasynyń United Cup týrnıriniń fınalynan tys qalǵanyn jazǵan bolatynbyz.