ASTANA. QazAqparat – AQSh-tyń Vashıngton qalasynda 31 shilde – 6 tamyz aralyǵynda ótetin ATP 500 týrnıriniń jerebesi tartyldy, dep habarlaıdy QazAqparat tilshisi.
Jarystyń 6-raketkasy bolyp tirkelgen qazaqstandyq Aleksandr Býblık dodany ekinshi aınalymnan bastaıdy.
A.Býblık týrnırge arnaıy shaqyrtý alǵan frantsııalyq, qazirgi kezde reıtıngte 322-orynda turǵan Gael Monfıs nemese irikteý saıysy jeńimpazdarynyń birimen kezdesedi.
Amerıkalyqtar Teılor Frıtts pen Frensıs Tıafo týrnırdiń birinshi jáne ekinshi raketkalary bolyp tirkelgen.
Búgin Vashıngtonda irikteý saıystary bastalady.
Álemniń 26-raketkasy A.Býblık osynyń aldynda Galle ATP 500 jarysynyń jeńimpazy atanyp, Ýımbldonda tórtinshi aınalymǵa deıin jetken edi.
Eske sala keteıik, budan buryn Prezıdent kýbogynda Denıs Evseevtiń fınalǵa joldama alǵanyn jazǵan bolatynbyz.
Sondaı-aq Anna Danılına juptyq synda Gambýrg jarysynyń jeńimpazy atandy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).