Aleksandr Býblık Ýımbldonnyń úshinshi aınalymyna shyqty

<p>LONDON. KAZINFORM — Qazaqstannyń birinshi, álemniń 23-raketkasy Aleksandr Býblık Ýımbldon týrnıriniń úshinshi aınalymyna shyqty.</p>

Qazaqstandyq tennısshi ekinshi aınalymda dúnıejúzilik reıtıngide 98-orynda turǵan frantsııalyq Artýr Kazodan aılasyn asyrdy.

Býblık qarsylasyn 6:4, 7:6 (7:1), 6: esebimen tize búktirdi.

Eki saǵat 6 mınýtqa sozylǵan tartysty báseke barysynda ol 19 eıs jasap, 4 breık-poınttyń teń jartysyn paıdalandy. Kazo 7 eıspen shekteldi.

Aleksandr Býblık tórtinshi aınalymǵa shyǵý úshin álemniń 13-raketkasy, amerıkalyq Tommı Pol nemese reıtıngide 147-satydaǵy fınlıandııalyq Otto Vırtanenniń qaı jeńgenimen sheberlik talastyrady. 

Eske sala keteıik, budan buryn ıÝlııa Pýtıntsevanyń Ýımbldonda álemniń eks 1-raketkasyn jeńgenin jazǵan bolatynbyz.

Sondaı-aq Aleksandr Býblık Parıj olımpıadasynda Elena Rybakınamen birge oınaýǵa daıyn ekenin aıtty.

Tımofeı Skatov Frantsııadaǵy jarystyń ekinshi aınalymyna ótti.