Aleksandr Býblık Nıýport týrnıriniń fınalynda qarsylasyna ese jiberdi

NUR-SULTAN. QazAqparat - Qazaqstannyń birinshi, álemniń 42-raketkasoy Aleksandr Býblık Nıýport (AQSh) ATP 250 týrnıriniń fınalynda jeńilip qaldy, dep habarlaıdy QazAqparat tilshisi.

Qazaqstandyq tennısshi osyǵan deıin bes ret ATP dodalarynyń fınalynda oınap, tek sonyń bireýinde ǵana, bıyl Monpelede chempıon atanǵan edi.

Bul joly fınalda álemniń 41-raketkasy, amerıkalyq Maksım Kressımen bas júldeni sarapqa saldy.

Birinshi partııa barysynda qos breık jasaǵan qazaqstandyq tennısshi basymdylyq kórsetti - 6:2.

Ekinshi sette de 3:0 esebimen alǵa ketkenimen, qatarynan alty geımdi berip qoıdy - 3:6.

Úshinshi, sheshýshi partııada match taǵdyry taı-breıkte sheshilip, amerıkalyq jeńiske jetti - 7:6 (7:3).

Osylaısha, A.Býblık Nıýport týrnıriniń fınalynda ekinshi ret utylyp otyr. 2019 jyly taǵy bir amerıkalyq Djon Iznerge ese jibergen edi.

Eske sala keteıik, budan buryn Qazaqstannyń jasóspirim tennısshileri Eýropadaǵy týrnırlerde jeńimpaz atanǵanyn, Beıbit Jýkaevtyń elordadaǵy jarystyń fınalyna deıin jetkenin jazǵan bolatynbyz.