Aleksandr Býblık Monte-Karlo masters týrnırinde utylyp qaldy

ASTANA. QazAqparat – Qazaqstannyń birinshi, álemniń 53-raketkasy Aleksandr Býblık Monte-Karlo (Monako) masters týrnıriniń ekinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi alǵashqy aınalymda álemniń 16-raketkasy, germanııalyq Aleksandr Zverevpen sheberlik baıqasty.

Birinshi partııada A.Býblık 6:3 esebimen basym tústi.

Ekinshi sette A.Zverev 3:1 esebimen alǵa shyqqanymen, qazaqstandyq sportshy qaıyra breık jasady. Alaıda Zverev qaıtadan esepti 4:2-ge jetkizdi. Sosyn taǵy bir breıkpen bitirdi – 6:2.

Úshinshi, sheshýshi sette germanııalyq sportshy alǵa ketti – 3:1. Degenmen Býblık sol boıda tarazy basyn teńestirdi – 3:3. Aqyry Zverev matchty breıkpen túıindedi – 6:4.

Eki saǵatqa sozylǵan tartysty báseke barysynda A.Býblık 7 eıs jasap, 6 breık-poınttyń tórteýin paıdalandy. Qarsylasy 3 eıs, 6 breıkpen (17 breık-poınt) kózge tústi.

A.Zverev ekinshi aınalymda álemniń 29-raketkasy, ıspanııalyq Roberto Baýtısta-Agýtpen kezdesedi. Ol bastapqy kezdesýinde serbııalyq Fılıp Kraınovıchti 5:7, 7:6 (12:10), 6:1 esebimen tize búktirdi.

Jekeleı syndaǵy júlde qory 5,7 mln AQSh dollaryna baǵalanǵan Monte-Karlo jarysy 16 sáýirde márege jetedi.

Ótken jyly munda grekııalyq Stefanos Tsıtsıpas jeńimpaz atansa, A.Býblık ekinshi aınalymnan asa almaǵan edi.

Eske sala keteıik, budan buryn Qazaqstan tennıs quramasynyń Polshamen ótetin matchqa daıyndyqty bastaǵanyn jazǵan edik.

Aleksandr Býblık álemdik reıtıngide TOP-50-ge jaqyndady.

ıAroslava Shvedova Polshamen matchta jeńiske jetip, ótken jylǵy nátıjeni qaıtalaǵysy keletinin aıtty.