Aleksandr Býblık Monpele týrnırinde jeńilip qaldy

ASTANA. QazAqparat – Qazaqstannyń birinshi, álemniń 50-raketkasy Aleksandr Býblık Monpele (Frantsııa) ATP 250 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Osy jarystyń 6-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 75-orynda turǵan frantsııalyq Gregýar Barrermen sheberlik baıqasty.

Buǵan deıin segiz oıynda qatarynan jeńilis tapqan A.Býblık atalmysh dodanyń ótken jylǵy chempıony retinde de óz upaılaryn qorǵaýy tıis-ti.

Birinshi partııany kort ıesi breıkpen bitirdi – 6:4.

Ekinshi sette asa tartysty taı-breıkte A.Býblık G.Barrerdiń matchty aıaqtaýyna múmkindik bermedi – 7:6 (14:12).

Úshinshi, sheshýshi sette esep 3:2 bolǵan mezette qazaqstandyq tennısshi breık jasaı aldy – 4:2. Alaıda izinshe qatelikke boı aldyryp, óz geımin berip qoıdy. Aqyry taı-breıkte qarsylasy jeńiske jetti – 7:6 (7:3).

Eki saǵat jarymǵa jýyq ýaqytqa sozylǵan tartysty báseke barysynda A.Býblık 19 eıs jasap, 3 breık-poınttyń bireýin paıdalandy. G.Barrer 5 eıs, 2 breıkpen kózge tústi.

Frantsııalyq tennısshi shırek fınalǵa shyǵý úshin álemniń 87-raketkasy, grýzııalyq Nıkoloz Basılashvılımen talasady.

Osylaısha, A.Býblıktiń sátsiz oıyny jalǵasýda.

Eske sala keteıik, budan buryn ıÝlııa Pýtıntsevanyń Ábý-Dabıde AQSh chempıonyn utqanyn jazǵan bolatynbyz.