ASTANA. KAZINFORM – Qazaqstannyń birinshi, álemniń 19-raketkasy Aleksandr Býblık Hanchjoý (Qytaı) ATR 250 týrnıriniń jartylaı fınalyna ótti.
Jarystyń 3-raketkasy bolyp tirkelgen qazaqstandyq tennısshi shırek fınalda ATP reıtıngisinde 99-orynda turǵan chehııalyq Dalıbor Svrchınaǵa tap keldi.
Býblık qarsylasyn bet qaratpaı utty - 6:1, 6:1.
Bir saǵatqa jetpeıtin ýaqyt ishinde Býblık 6 eıs jasap, 12 breık-poınttyń beseýin paıdalanyp úlgerdi.
Aleksandr Býblık fınalǵa shyǵý úshin reıtıngide 196-satydaǵy qytaılyq Ý Ibınmen talasady.
Ol shırek fınalda álemniń 18-raketkasy, reseılik Danııl Medvedevti utyp ketti – 5:7, 7:6 (7:5), 6:4.
Eske sala keteıik, budan buryn Aleksandr Shevchenkonyń Qytaıdaǵy týrnırdiń shırek fınalyna joldama alǵanyn jazǵan edik.
Sondaı-aq Aleksandr Býblık Qytaıdaǵy jarysta qarsylasyn kambekpen tize búktirdi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).