Aleksandr Býblık Istborn týrnıriniń ekinshi aınalymyna shyqty
Qazaqstandyq tennısshi alǵashqy básekesin álemniń 28-raketkasy, amerıkalyq Frensıs Tıafomen ótkizdi.
Osyǵan deıin qarsylastar bir-aq ret kezdesip, onda amerıkalyq sportshynyń mereıi ústem bolǵan edi.
Bul joly birinshi partııada F.Tıafo basymdylyq tanytty – 7:5.
Ekinshi sette A.Býblık taı-breıkte sátti óner kórsetti – 7:6 (7:4). Al úshinshi, sheshýshi parııada qarsylasyna birde-bir geım bergen joq – 6:0.
Bir saǵat 50 mınýtqa sozylǵan match barysynda qazaqstandyq tennısshi 17 eıs jasap, 12 breık-poınttyń beseýin múlt jibergen joq. Qarsylasy 2 eıs, 3 breıkten (6 breık-poınt) asa almady.
A.Býblık ekinshi aınalymda álemniń 86-raketkasy, Astana Open 2020 jarysynyń chempıony, aýstralııalyq Djon Mıllmanmen sheberlik baıqasady. D.Mıllman taǵy bir amerıkalyq Sebastıan Kordany tize búktirdi – 6:3, 7:6 (7:5).
Eske sala keteıik, budan buryn qazaqstandyq tennısshilerdiń iri jarystarda baq synaıtynyn, olardyń álemdik reıtıngidegi oryndary anyqtalǵanyn jazǵan bolatynbyz.
Sondaı-aq Mıhaıl Kýkýshkın Ýımbldon týrnıriniń irikteý saıysyn sátti bastady.