Aleksandr Býblık Indıan Ýells masters týrnırinde jeńilip qaldy

ASTANA. QazAqparat – Qazaqstannyń birinshi, álemniń 46-raketkasy Aleksandr Býblık Indıan Ýells masters týrnıriniń ekinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi alǵashqy aınalymda dúnıejúzilik reıtıngte 175-orynda turǵan, jarysqa irikteý saıystarynan keıin qosylǵan taıbeılik Vý Týn Lınmen kezdesti.

Birinshi partııada esep 3:3 bolǵan mezette taıbeılik sportshy breık jasap, sol basymdylyǵyn saqtap qaldy – 6:4.

Ol ekinshi sette de breıkpen alǵa shyqty – 3:1. Aqyry matchty jeńispen túıindedi – 6:4.

Saǵat jarymǵa jýyq ýaqytqa sozylǵan matchta A.Býblık 6 eıspen ǵana kózge tústi.

Vý Týn-Lın ekinshi aınalymda ulybrıtanııalyq Kemeron Norrımen sheberlik baıqasady.

Jalpy júlde qory 8,8 mln AQSh dollaryna baǵalanǵan Indıan Ýells dodasy 19 naýryzda máresine jetedi.

Ótken jyly A.Býblık úshinshi aınalymǵa deıin jetken edi.

Eske sala keteıik, budan buryn Gózal Aınıtdınovanyń Astanadaǵy týrnırdiń ekinshi aınalymyna shyqqanyn jazǵan bolatynbyz.

G.Aınıtdınova ekinshi aınalymda álemniń 136-ynshy, jarystyń 1-raketkasy, japonııalyq Moıýka Ýchıjımaǵa jol berdi – 3:6, 1:6.