Aleksandr Býblık Germanııadaǵy jarysta álemniń 14-raketkasyn utty

ASTANA. QazAqparat – Qazaqstannyń birinshi, álemniń 48-raketkasy Aleksandr Býblık Galle (Germanııa) ATP 500 týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin álemniń 14-raketkasy, horvatııalyq Borna Chorıchpen ótkizdi.

Birinshi partııada A.Býblık 4:1 esebimen alǵa ketip, sol basymdylyǵyn saqtap qaldy – 6:3.

Ekinshi sette qazaqstandyq sportshy qarqynyn údete tústi – 6:1.

Bir saǵattan astam ýaqytqa sozylǵan báseke barysynda Býblık 15 eıs jasap, 10 breık-poınttyń tórteýin óz esebine jazdy. B.Chorıch 1 eısten asa almady.

Aleksandr Býblık shırek fınalǵa shyǵý úshin álemniń 21-raketkasy, germanııalyq ıAn-Lennard Shtrýff nemese reıtıngte 99-oryndaǵy reseılik Roman Safıýllınniń bireýimen talasady.

Bir qyzyǵy, A.Býblık B.Chorıchpen birge juptyq synda alǵashqy aınalymda ıtalııalyqtar Sımone Bolellı – Andrea Vavassorıden jeńilip qalǵan bolatyn – 1:6, 6:2, 9:11.

Eske sala keteıik, budan buryn qazaqstandyq jas tennısshilerdiń halyqaralyq týrnırlerde tabysty óner kórsetkenin jazǵan bolatynbyz.

Sondaı-aq Elena Rybakına Berlın týrnırin jeńispen bastady.