Aleksandr Býblık Frantsııadaǵy týrnırdiń ekinshi aınalymyna shyqty

ASTANA. QazAqparat – Qazaqstannyń birinshi, álemniń 55-raketkasy Aleksandr Býblık Frantsııada ótip jatqan Eks-an-Provans chellendjer týrnıriniń ekinshi aınalymyna shyqty, dep habarlaıdy QazAqparat tilshisi.

Jarystyń 6-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngte 180-orynda turǵan ıtalııalyq Rıkkardo Bonadıomen ótkizdi.

A.Býblık 7:6 (7:5), 7:5 esebimen jeńiske jetti.

Bir saǵat 37 mınýtqa sozylǵan báseke barysynda A.Býblık 10 eıs jasap, 6 breık-poınttyń beseýin paıdalandy.

Qazaqstandyq sportshy ekinshi aınalymda álemniń 114-raketkasy, fınlıandııalyq Otto Vırtanenmen sheberlik baıqasady.

Eks-an-Provans dodasy 7 mamyrda márege jetedi.

Taǵy bir qazaqstandyq Aleksandr Nedovesov juptyq synda Kalıarı (Italııa) chellendjer týrnıriniń alǵashqy aınalymynda serbııalyq Nıkola Kachıchpen birge aýstrııalyqtar Aleksandr Erler – Lýkas Mıdlermen oınap, 6:7 (5:7), 4:6 esebimen jeńilis tapty. Sóıtip shırek fınalǵa shyǵa almady.

Eske sala keteıik, budan buryn tennısten álem chempıonatynda Qazaqstan jasóspirimderiniń irikteý týrnıriniń shırek fınalyna shyqqanyn jazǵan bolatynbyz.