Aleksandr Býblık Frantsııada Marsel jarysynda baq synaıdy

ASTANA. QazAqparat – Marselde (Frantsııa) ATP 250 týrnıriniń jerebesi tartyldy, dep habarlaıdy QazAqparat tilshisi.

Atalmysh týrnırde Qazaqstannyń birinshi, álemniń 50-raketkasy Aleksandr Býblık baq synaıdy.

Qazaqstandyq tennısshi alǵashqy aınalymda dúnıejúzilik reıtıngte 69-orynda turǵan serbııalyq Fılıp Kraınovıchpen kezdesedi.

Osyǵan deıin onynshy ret qatarynan jeńilis tapqan A.Býblık 20 aqpanda ótetin oıynda uta ala ma, ony ýaqyt kórsetedi.

Jarystyń birinshi raketkasy bolyp dúnıejúzilik reıtıngte 10-orynda turǵan polıak Hýbert Hýrkach tirkelgen. Jarysty ekinshi aınalymnan bastaıtyn ol Artýr Rınderknesh (Frantsııa) – Leandro Rıdı (Shveıtsarııa) matchynyń jeńimpazymen sheberlik baıqasady.

Álemniń 14-inshi, dodanyń 2-raketkasy, ıtalııalyq ıAnnık Sınner ekinshi aınalymda reseılik Roman Safıýllın nemese frantsııalyq Artıýr Fıldiń bireýimen oınaıdy.

Marsel jarysy 26 aqpanda máresine jetedi.

Eske sala keteıik, budan buryn Elena Rybakınanyń Dýbaı týrnırindegi qarsylasy anyqtalǵanyn jazǵan bolatynbyz.