Aleksandr Býblık Belgııadaǵy jarystyń jartylaı fınalyna ótti

<p>Qazaqstannyń birinshi, álemniń 36-raketkasy Aleksandr Býblık Belgııadaǵy Antverpen ATP 250 týrnıriniń jartylaı fınalyna shyqty, dep habarlaıdy Kazinform.</p>

Jarystyń úshinshi raketkasy bolyp tirkelgen qazaqstandyq tennısshi shırek fınalda dúnıejúzilik reıtıngte 226-orynda turǵan 20 jastaǵy frantsııalyq Djovannı Mpetchı Perrıkarmen synǵa tústi.

Birinshi partııada Aleksandr 6:4 esebimen basym tústi. Ekinshisinde frantsııalyq sportshy ese qaıyrdy - 6:4.

Sheshýshi, úshinshi sette Býblık 3:1 esebimen alǵa ketti. Aqyry matchty jeńispen túıindedi - 6:2.
Saǵat jarymǵa jýyq ýaqytqa sozylǵan matchta A.Býblık 8 eıs jasap, 6 breık-poınttyń tórteýin paıdalana bildi. Qarsylasy 18 eıs, 2 breıkpen (3 breık-poınt) kózge tústi.

Aleksandr Býblık fınalǵa shyǵý úshin álemniń 96-raketkasy, frantsııalyq Hıýgo Gaston nemese reıtıngte 127-satydaǵy germanııalyq Maksımılıan Martererdiń bireýimen talasady.

Eske sala keteıik, budan buryn Jibek Qulambaevanyń ITF týrnıriniń fınalynda oınaıtynyn jazǵan bolatynbyz.