Aleksandr Býblık álemdik reıtıngide rekordtyq kórsetkishke qol jetkizdi

<p>ASTANA. KAZINFORM &ndash; Kásibı tennısshiler qaýymdastyǵy (ATP) reıtıngisinde Qazaqstannyń birinshi raketkasy Aleksandr Býblık rekordyq kórsetkishke qol jetkizdi.</p>

Qazaqstandyq tennısshi 23-ten 21-orynǵa kóterildi. Bul – onyń álemdik reıtıngidegi eń úzdik nátıjesi.

Sondaı-aq Aleksandr Shevchenko 57-den birden 45-ke shyqty.

Manama (Bahreın) chellendjer jarysynyń jeńimpazy atanǵan Mıhaıl Kýkýshkın 231-den 163-ke joǵarylap, elimizdiń úshinshi raketkasy atandy.

Denıs Evseev 178-den 179-ǵa, Beıbit Juqaev 189-dan 192-ge, Tımofeı Skatov 276-dan 277-ge syrǵydy.

Álemdik reıtınginiń alǵashqy úshtiginde de ózgerister boldy. Aýstralııa ashyq chempıonatyna qosa Rotterdam ATP 500 týrnırinde qarsylas shydatpaǵan ıtalııalyq ıAnnık Sınner reseılik Danııl Medvedevti tórtinshi satyǵa syrǵytty. Serbııalyq Novak Djokovıch burynǵysha birinshi, ıspanııalyq Karlos Alkaras ekinshi orynda.

Qazaqstannyń úzdik tennısshileri A.Býblık pen A.Shevchenko osy aptada Doha ATP 250 dodasynda baq synaıdy.

A.Shevchenko alǵashqy aınalymda tájirıbeli frantsııalyq sportshy Rıshar Gaskemen kezdesedi. R.Gaskeni Manama fınalynda M.Kýkýshkın jeńgen edi.

A.Býblık jarysty ekinshi aınalymnan bastap, majarstandyq Marton Fýchovıch nemese ıspanııalyq Roberto Baýtısta-Agýttyń qaı jeńgenimen jolyǵady.

Eger Dohada qazaqstandyq tennısshiler sátti óner kórsetse, reıtıngilerin jaqsartary anyq.

Eske sala keteıik, budan buryn Elena Rybakınanyń WTA chempıondyq kestesinde ekinshi orynǵa kóterilgenin jazǵan bolatynbyz.