ASTANA. KAZINFORM — Qazaqstannyń birinshi raketkasy Aleksandr Býblık aldaǵy dúısenbide jańartylatyn ATP reıtıngisinde alǵash ret TOP-20-ǵa kiredi.
Dýbaı týrnıriniń fınalyna shyqqannan keıin A.Býblık qazirgi kezde ATP Live reıtıngisinde 23-ten 19-orynǵa kóterilip tur.
Qazaqstandyq tennısshiniń Dýbaı ATP 500 jarysynyń fınalyndaǵy qarsylasy belgili boldy.
Dodanyń ótken jylǵy jeńimpazy, álemniń 4-raketkasy, reseılik Danııl Medvedev kútpegen jerden reıtıngide 18-oryndaǵy frantsııalyq Ýgo Ýmberge jol berdi – 5:7, 3:6.
Osylaısha, senbi kúni A.Býblık pen Ý.Ýmber chempıondyq ataqty sarapqa salady.
Bul Aleksandr Býblıktiń sporttyq jolyndaǵy ATP jarystaryndaǵy 11-inshi fınaly bolmaq. Buǵan deıin ol eki ret Monpelede, sondaı-aq Antverpen pen Gallede úzdik shyqqan edi. Al alty fınalda jeńilip qalǵan edi.
Eske sala keteıik, budan buryn Aleksandr Býblıktiń Dýbaıda álemniń 5-raketkasyn jeńip, fınalǵa shyqqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).