ASTANA. KAZINFORM – Jańartylǵan álemdik reıtıngide qazaqstandyq tennısshilerdiń orny anyqtaldy.
Keshe Gonkong ATP 250 týrnırinde jeńimpaz atanǵan Aleksandr Býblık 11-den 10-orynǵa kóterildi. Sóıtip ol erler arasynda ATP reıtıngisinde TOP-10-ǵa kirgen alǵashqy qazaqstandyq tennısshi boldy.
Aleksandr Shevchenko 106-dan 104-ke kóterilse, ótken aptada Bangalor jarysynyń fınalyna deıin jetken Tımofeı Skatov 235-ten 195-ke deıin joǵarylady.
Áıelder arasynda Qazaqstannyń birinshi raketkasy Elena Rybakına WTA reıtıngisinde 5-ornyn saqtap qalsa, ıÝlııa Pýtıntseva 74-ten 105-ke deıin quldyrady. Juptyq synda Anna Danılına 14-orynda qaldy.
Eske sala keteıik, budan buryn Aleksandr Býblıktiń Gonkong týrnırinde top jarǵanyn jazǵan edik. Sondaı-aq Aleksandr Býblık jańa maýsymnyń sátti bastalǵanyn aıtty.
Al Aleksandr Shevchenko Adelaıda týrnırinde ekinshi jeńisine qol jetkizdi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).