Aleksandr Býblık álemdik reıtıngte alǵash ret TOP-25-ke kirdi

ASTANA. QazAqparat – Kásibı tennısshiler qaýymdastyǵy (ATP) jańartylǵan reıtıngti jarııa etti, dep habarlaıdy QazAqparat tilshisi.

Qazaqstannyń úzdik tennısshisi 26-dan 25-orynǵa kóterildi.

Bul – onyń álemdik reıtıngtegi úzdik kórsetkishi.

Jalpy, qazaqstandyq tennısshiler reıtıngte óz kórsetkishterin jaqsarta aldy.

Tımofeı Skatov 136-dan 131-ge, Mıhaıl Kýkýshkın 229-dan 227-ge, Beıbit Juqaev 270-ten 258-ge, Astanada Prezıdent kýbogy úshin chellendjer týrnıriniń jeńimpazy atanǵan Denıs Evseev 412-den birden 340-qa, Dmıtrıı Popko 375-ten 370-ke joǵarylady.

Juptyq synda Aleksandr Nedovesov 45-ornyn saqtap qalsa, Andreı Golýbev 82-den 83-ke syrǵydy.

Áıelder arasynda WTA reıtıngisinde Elena Rybakına 3-satyda qalsa, ıÝlııa Pýtıntseva 58-den 60-qa tómendedi.

E.Rybakına osy aptada eshqandaı jarysqa qatyspaıdy. Álemdik reıtıngte 4-orynda turǵan amerıkalyq Djessıka Pegýla ózi birinshi raketka bolyp tirkelgen Vashıngton WTA 500 jarysynda shırek fınalǵa ótse, qazaqstandyq tennısshini yǵystyryp, úzdik úshtikke qaıta enedi.

Eske sala keteıik, budan buryn Denıs Evseevtiń Prezıdent kýbogy chellendjer týrnıriniń chempıony atanǵanyn jazǵan bolatynbyz.

Sondaı-aq Aleksandr Býblık juptyq synda Vashıngtondaǵy negizgi týrnırge ótti.

Qazaqstandyq jasóspirim tennısshiler Germanııadaǵy jarysta úzdik shyqty.

Beıbit Juqaev Meksıkada negizgi týrnırge joldama aldy.