Aleksandr Býblık álemdik reıtıngide TOP-50 jaqyndady

ASTANA. QazAqparat – Kásibı tennısshiler qaýymdastyǵy (ATP) jarııa etken álemdik reıtıngide qazaqstandyq Aleksandr Býblık úzdik elýlikke jaqyndady, dep habarlaıdy QazAqparat tilshisi.

Qazaqstannyń birinshi raketkasy 56-dan 53-satyǵa kóterildi.

Sondaı-aq elimizdiń ekinshi raketkasy Tımofeı Skatov 144-ten 141-ge joǵarylady.

Álemdik reıtıngide burynǵysha serbııalyq Novak Djokovıch kósh bastasa, ıspanııalyq Karlos Alkaras ekinshi, grekııalyq Stefanos Tsıtsıpas úshinshi orynda.

Juptyq synda Nıderland ókili Ýeslı Kolhof, ulybrıtanııalyq Nıl Skýpskı jáne amerıkalyq Radjıv Ram úzdik úshtikte keledi.

Qazaqstandyqtardan Andreı Golýbev 68-den 69-ǵa syrǵysa, Aleksandr Nedovesov (70) onyń izin ókshelep keledi. A.Býblık 158-ornynda qaldy.

A.Býblık jekeleı syndaǵy kórsetkishin jaqsartý úshin Monte-Karlo masters týrnırinde tabysty óner kórsetýi kerek. Ol búgin alǵashqy aınalymda álemniń 16-raketkasy, germanııalyq Aleksandr Zverevpen kezdesedi. A.Býblık ótken jyly Monpele (Frantsııa) jarysynyń fınalynda osy A.Zverevti utyp, chempıondyq ataqty jeńip alǵan edi.

2020 jylǵy olımpıada chempıony, álemniń eks-ekinshi raketkasy A.Zverev aldaǵy oıynǵa qatysty óz pikirin bildirdi.

«Men daıyn bolýǵa tıispin. Oǵan qarsy oınaǵan kezde barlyq múmkindigińdi paıdalaný qajet. Sondaı-aq júgirýge daıyn bolý kerek. Ne bolatynyn bilmeısiń. Sondyqtan men kortqa qaıta oralyp, osynda birneshe jaqsy match ótkizemin dep úmittenemin», - dedi A.Zverev.

Ótken jyly bul dodada A.Býblık ekinshi aınalymǵa deıin jetken edi.

Eske sala keteıik, budan buryn Qazaqstan tennıs quramasynyń Polshamen ótetin matchqa daıyndyqty bastaǵanyn jazǵan edik.