Aleksandr Býblık 21 eıs jasap, Adelaıde týrnıriniń shırek fınalyna ótti

<p>Qazaqstannyń birinshi, álemniń 31-raketkasy Aleksandr Býblık Adelaıde (Aýstralııa) ATP 250 týrnıriniń shırek fınalyna shyqty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

Dodanyń 8-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 40-orynda turǵan ulybrıtanııalyq Denıel Evanspen sheberlik talastyrdy.

Birinshi partııada D.Evans shıraqtyq tanytty – 6:4.

Esesine ekinshi sette A.Býblık oıyn tizginin qolyna aldy – 6:2.

Úshinshi, sheshýshi partııada qarsylasyn oısyrata utty – 6:1.

Eki saǵatqa sozylǵan báseke barysynda Býblık 21 eıs jasap, 7 breık-poınttyń beseýin paıdalandy. Qarsylasy 2 eıs, 2 breıkpen (10 breık-poınt) kózge tústi.

Aleksandr Býblık jartylaı fınalǵa shyǵý úshin álemniń 25-raketkasy, ıtalııalyq Lorentso Mýzettımen talasady. Ol reıtıngide 47-satydaǵy aýstralııalyq Djordan Tompsondy tize búktirdi – 6:4, 6:1.

Eske sala keteıik, budan buryn Beıbit Juqaevtyń Aýstralııa ashyq chempıonatyn jeńispen bastaǵanyn jazǵan bolatynbyz.

Sondaı-aq Aleksandr Nedovesov Aýstralııadaǵy týrnırdiń shırek fınalyna shyqty.