Aldyn-ala málimetter boıynsha Belarýstegi prezıdenttik saılaýda A.Lýkashenko 83,49% daýys jınap, jeńiske jetti

ASTANA. QazAqparat - Belarýste ótken Prezıdent saılaýynda Aleksandr Lýkashenko jeńiske jetti, aldyn ala málimetter boıynsha ol 83,49% daýys jınaǵan, dep habarlady eldiń Ortalyq saılaý komıssııasynyń tóraǵasy Lıdııa Ermoshına.

BELTA habarlaǵandaı, saılaýshylardyń 6%-dan astamy barlyq kandıdattar úshin qarsy daýys bergen. Aımaqtarda bul kórsetkish tómen. Máselen, Brest oblysynda ol - 4,38%. Tatıana Korotkevıch úshin el boıynsha saılaýshylardyń 4,42%-y daýys bergen. Sergeı Gaıdýkevıch - 3,32%, Nıkolaı Ýlahovıch - 1,67% daýys jınaǵan. Lıdııa Ermoshına munyń tek aldyn ala málimetter ekenin atap ótti. Qorytyndy málimetter oblystyq saılaý komıssııalary men Mınsk qalasynyń saılaý komıssııasy ár kandıdat úshin daýys berý týraly qorytyndy hattamalarǵa qol qoıǵan soń habarlanady.